ಎದೆಗೆ ಬಿದ್ದ ಅಕ್ಷರ ಪಾಠದ ಪ್ರಶ್ನೋತ್ತರಗಳು । 10th Kannada Edege Bidda Akshara Notes

ಭಾರತ ಹಳ್ಳಿಗಳ ದೇಶ ಮಹಾತ್ಮಾ ಗಾಂಧೀಜಿಯವರು ಗ್ರಾಮ ಸ್ವರಾಜ್ಯದ ಕನಸನ್ನು ಕಂಡಿದ್ದರು . 1929 ರಲ್ಲಿ ಗಾಂಧೀಜಿಯವರು ರಾಮರಾಜ್ಯದ ಕಲ್ಪನೆಯನ್ನು ಬಳಸಿದರು . ಗ್ರಾಮಸ್ವರಾಜ್ಯ ಅಥವಾ ರಾಮರಾಜ್ಯದಲ್ಲಿ ನಾಯಿಗೂ ನ್ಯಾಯ ದೊರೆಯುತ್ತಿತ್ತಂತೆ . ಗ್ರಾಮ ಸ್ವರಾಜ್ಯದಲ್ಲಿ ಪ್ರತಿಯೊಂದು ಹಳ್ಳಿಯೂ ಸ್ವಾವಲಂಬಿಯಾಗಬೇಕು .

ಗ್ರಾಮ ಪಂಚಾಯಿತಿ ಸದಸ್ಯರಿಗೆ ಹೆಚ್ಚಿನ ಅಧಿಕಾರ ನೀಡಬೇಕು . ಅಧಿಕಾರ ವಿಕೇಂದ್ರಿಕರಣ ಆಗಬೇಕು . ಆದರೆ ಗ್ರಾಮ ಪಂಚಾಯಿತಿಗಳು ಸಮರ್ಪಕವಾಗಿ ಕಾರ್ಯ ನಿರ್ವಹಿಸುತ್ತಿಲ್ಲ . ಉತ್ತರ ಕರ್ನಾಟಕದಲ್ಲಿ ಇಂದಿಗೂ ಕೆಲವು ಹಳ್ಳಿಯ ಮನೆಗಳಲ್ಲಿ ಶೌಚಾಲಯಗಳಲ್ಲಿ ಪಂಚಾಯತ್ ರಾಜ್ ಆಡಳಿತ ವ್ಯವಸ್ಥೆಯ ಮೂಲಕ ಹಳ್ಳಿಗಳಿಗೆ ಹೆಚ್ಚಿನ ಅನುದಾನ ಹಾಗೂ ಸ್ವಾತಂತ್ರ್ಯ ನೀಡಬೇಕೆಂಬ ಕೂಗು ಎಲ್ಲೆಡೆ ಕೇಳಿಬರುತ್ತಿದೆ . ಗ್ರಾಮ ಸ್ವರಾಜ್ಯವೇ ಜನತಂತ್ರ – ಗಣರಾಜ್ಯವನ್ನು ರಕ್ಷಿಸುವ ಏಕೈಕ ದಾರಿಯಾಗಿದೆ .

ಸೌರಮಂಡಲದಲ್ಲಿ ಜೀವಿಗಳಿರುವ ಏಕೈಕ ಗ್ರಹ ಎಂದರೆ ಅದು ಭೂಮಿ . 21 ನೇ ಶತಮಾನದಲ್ಲಿ ಈ ಭೂಮಂಡಲವನ್ನು ಕಾಡುತ್ತಿರುವ ಸಮಸ್ಯೆ ಒಂದು ಅದು ತ್ಯಾಜ್ಯ ವಸ್ತು ನಿರ್ವಹಣೆ ಜನರು ಬಳಸಿ ಬಿಸಾಡುವ ಜೈವಿಕ , ಅಜೈವಿಕ , ರಾಸಾಯನಿಕ ವಸ್ತುಗಳು ತ್ಯಾಜ್ಯವಸ್ತುಗಳೆನಿಸುತ್ತವೆ . ಉದಾಹರಣೆಗೆ ಪ್ಲಾಸ್ಟಿಕ್ ಡಬ್ಬ , ಬಾಟಲಿಗಳು , ಪ್ಲಾಸ್ಟಿಕ್ ಬ್ಯಾಗ್ , ಪೇಪರ್ ಸಾಮಾಗ್ರಿ , ಆಹಾರದ ಪೊಟ್ಟಣಗಳು , ತರಕಾರಿ ಸಿಪ್ಪೆ , ಅಡುಗೆ ಮನೆಯ ಕಸ , ಹಳೆಯ ಟಿವಿ , ಟೇಪ್‌ರೆಕಾರ್ಡರ್ , ಕಂಪ್ಯೂಟರ್ , ಕೈಗಾರಿಕೆಗಳಿಂದ ಬರುವ ತ್ಯಾಜ್ಯಗಳು , ತ್ಯಾಜ್ಯವಸ್ತುಗಳಾಗಿವೆ . ನಗರಗಳಲ್ಲಿ ಈ ಸಮಸ್ಯೆ ಬೃಹದಾಕಾರವಾಗಿ ಕಾಡುತ್ತಿದೆ .

ಪಾಲಿಕೆಗಳು ಇದಕ್ಕೆ ಹಲವು ಯೋಜನೆಗಳನ್ನು ಹಾಕಿಕೊಂಡಿವೆ . ಹಸಿಕಸ ಮತ್ತು ಒಣಕಸ ಎಂದು ಬೇರ್ಪಡಿಸಿ ತ್ಯಾಜ್ಯವನ್ನು ಸಂಗ್ರಹಿಸಿ ವಿಲೇವಾರಿ ಮಾಡುತ್ತಿದೆ . ಇದಕ್ಕೆ ಸಾರ್ವಜನಿಕರೂ ಸಹಕರಿಸಬೇಕಾಗುತ್ತದೆ . ಕೆಲವು ವಸ್ತುಗಳನ್ನು ಮರು ಬಳಕೆ ಮಾಡಲಾಗುತ್ತದೆ . ಗಾಜು , ಪ್ಲಾಸ್ಟಿಕ್ , ಪೇಪರ್ , ಲೋಹ , ಇತ್ಯಾದಿಗಳನ್ನು ಬೇರ್ಪಡಿಸಿ ಮರು ಬಳಕೆ ಮಾಡುತ್ತಾರೆ .

ಕೊಳೆಯುವ ವಸ್ತುಗಳನ್ನು ಗೊಬ್ಬರವಾಗಿ ಪರಿವರ್ತಿಸುತ್ತಾರೆ ಕೆಲವನ್ನು ಸುಟ್ಟು ಬೂದಿ ಮಾಡಿ ತ್ಯಾಜ್ಯವನ್ನು ವಿಲೇವಾರಿ ಮಾಡುತ್ತಾರೆ . ಇಂದು ತ್ಯಾಜ್ಯದಿಂದ ವಿದ್ಯುತ್ತನ್ನು ಉತ್ಪಾದನೆ ಮಾಡಬಹುದು . ಎಂದು ಸಂಶೋಧನೆ ಮಾಡಲಾಗಿದೆ . ಸ್ವೀಡನ್ , ನಾರ್ವೆ , ಡೆನ್ಮಾರ್ಕ್ , ಫ್ರಾನ್ಸ್‌ಗಳಲ್ಲಿ ಈ ಪ್ರಯೋಗ ನಡೆಯುತ್ತಿದೆ . ಒಟ್ಟಿನಲ್ಲಿ ಸಾರ್ವಜನಿಕರೂ ಸಹ ಜಾಗೃತವಾಗಿದ್ದು ತ್ಯಾಜ್ಯವನ್ನು ವಿಲೇವಾರಿ ಹಾಗೂ ನಿರ್ವಹಣೆಯಲ್ಲಿ ಸಹಕರಿಸುವುದು ಅತ್ಯವಶ್ಯಕವಾಗಿದೆ .